Nova mobilidade en Galicia

Abstract

[Resumo]: A mobilidade constitúe un elemento esencial da actividade humana, tanto desde a perspectiva social como desde a económica. En termos xerais, cada persoa precisa desprazarse para o desenvolvemento das súas actividades, como o traballo ou o estudo, as compras, o lecer, as xestións, a atención sanitaria, os coidados, etc. Porén, tanto as necesidades de mobilidade como as formas de satisfacelas están en continua evolución. Estas formas de satisfacer a mobilidade son as que van constituír o transporte, a través dos diferentes modos e sistemas de transporte. Este documento reflexiona sobre as tendencias xerais da mobilidade e a súa evolución prevista nos próximos anos, así como sobre a situación particular de Galicia, coas problemáticas e solucións nas diferentes escalas territoriais nas que esta mobilidade se desenvolve. Este traballo céntrase na análise en profundidade da mobilidade de viaxeiros en Galicia, contemplando a oferta de transporte público e a utilización do mesmo.