Aparcamento subterráneo e humanización da praza entre a Avenida de Alfonso Molina e a Rúa Miraflores

Abstract

[Resumo] O núcleo urbano de Santa Comba (A Coruña) sofre un déficit estrutural de aparcamento na súa zona central, agravado os días de feira ou mercado. A bolsa pública existente en superficie na Praza da Feira (125 prazas en 3.700 m², máis 45 anexas) resulta insuficiente, saturando as rúas e xerando un impacto visual negativo no corazón do concello. O proxecto ten por obxecto a construción dun aparcamento subterráneo que absorba a demanda e a remodelación peonil integral da superficie para crear un parque e espazo de lecer accesible. Características Xeométricas: Edificación baixo rasante nun único soto con planta rectangular de 145,05 × 30,80 m. Superficie construída de 4.552,97 m² (útil: 4.136,77 m²) e altura libre de 3,00 m (redución a 2,60 m baixo condutos de ventilación). - Dotación de Prazas: 183 prazas para turismos convencionais (5,00 × 2,50 m), incluíndo 6 prazas adaptadas para Persoas con Mobilidade Reducida (PMR) de 5,00 × 4,00 m xunto aos ascensores, e 8 prazas para motocicletas (2,50 × 1,50 m). - Viais e Ramplas: Único acceso rodado con rampla recta de entrada e saída (carrís de 4,00 m, pendente 16%). Corredores interiores unidireccionais de 5,00 m de ancho (3,00 m calzada + 2 paseos peonís de 0,75 m) e xiros cara á esquerda. - Accesos Peonís e Servizos: 3 núcleos de escaleiras (1,10 m ancho) e ascensores adaptados (cabina 1,80 × 2,10 m) con vestíbulo de independencia. Inclúe oficina de control (60,41 m²), almacén (38,18 m²), sala de instalacións (28,60 m²) e bloque de aseos (74,51 m²). Parque Peonil en Cuberta: Transformación da superficie (~5.352 m²) nun espazo peonil continuo que integra os tres módulos acristalados de acceso (muro cortina) cos seguintes equipamentos: - Área Infantil e Xogos de Auga: Parque infantil con pavimento amortecedor de caucho (11 cm) e conxunto multixogo; área acuática tipo 'Splash Pad' de 132,25 m² (11,50 × 11,50 m) sen profundidade, con reciclaxe e depuración independente. - Instalacións Deportivas: Pista multideporte exterior de 29,00 × 16,00 m (464 m²) para fútbol sala e baloncesto con resinas sintéticas; e Skatepark de formigón de 28,00 × 5,00 m (140 m²). Resumen - Elemento Histórico e Pérgola: Desmontaxe, traslado e recolocación no centro da praza da fonte ornamental pétrea orixinal (5,00 × 5,00 m) e instalación dunha pérgola circular de madeira (radios 5,30/6,60 m, altura libre 3,20 m).