Transcriptómica en "Mytilus galloprovincialis": validación de xenes expresados diferencialmente fronte á toxina do ácido okadaico

Abstract

[Resumo]O acido okadaico atópase entre as toxinas marinas mais abundantes en Galicia, tendo a capacidade de producir periodicamente a síndrome gastrointestinal Diarrhetic Shellfish Poisoning tras o consumo de moluscos bivalvos contaminados. Este traballo avalía a expresión diferencial dos xenes citocromo oxidasa subunidades II e III, caspasa 3 7-3, p53, citocromo P450 e heat shock protein 70 na branquia do mexillón Mytilus galloprovincialis en tempos curtos de exposición a toxina ácido okadaico coa finalidade de obter biomarcadores de contaminación temperá. Os mexillóns tratados foron divididos en dous grupos e alimentáronse con cultivos da microalga productora de ácido okadaico Prorocentrum lima a concentracións de 200 e 20000 células/mL. Os resultados mostran a sobreexpresión do xene citocromo P450 a ambas as concentracións, confirmando o seu potencial como biomarcador de resposta a acido okadaico. O xene caspasa 3 7-3 aparece sobreexpresado unicamente a 200 cél/mL, polo que e preciso profundizar no seu estudo.