Actuacións de reparación e mantemento do viario municipal

Abstract

O Concello de Oleiros, a través do Departamento de Obras Públicas, realiza todos os anos campañas de renovación das capas de rodadura dos viarios públicos. Redáctase para iso este documento, como proxecto principal, que define e valora as partidas necesarias para realizar as obras de reparación. Os principais deterioros observados son os seguitnes:. Deterioro da capa de rodadura: Apreciase unha perdida de material na capa de rodadura sen chegar a base do firme. A reposición da capa de rodadura en rúas con aglomerado asfáltico farase segundo as seguintes fases: Fresado de pavimento deteriorado, aplicación dun rego de imprimación e pavimentación mediante Mestura Bituminosa en Quente. No caso das rúas con rego asfáltico levaranse a cabo as seguintes actuacións: Aplicación do rego de adherencia e reposición da capa de rodadura mediante a aplicación dun DTS. Baches: A reparación dos baches realizarase conforme o descrito na reposición das capas de rodadura engadindo unha operación previa de preparación da superficie co obxectivo de restaurala base granular danada. Unha vez nivelada a superficie deteriorada aplicarase un rego de imprimación sobre o cal se estendera a nova capa de rodadura tal e como se indica no apartado anterior. Blandóns: O afundimento do firme indica unha falla estrutural nas capas inferiores será preciso realizar un saneo da base cunha profundidade de 1 m e formarase unha nova capa de rodadura de 10 centímetros de espesor. Aumentando así a categoría de tráfico respecto a existente. Falta de confinamento: En certos tramos dalgunha das rúas obxecto deste proxecto observase a falta de confinamento nos bordes da vía. Para confinar as rúas plantexanse tres solución posibles dependendo das características das rúas: Formación de gabias de formigón, formación de beirarrúas ou formación de bordos de contención.