Os retos da xestión do coñecemento en enerxía para os municipios de Cuba

Abstract

[Resumo] Co fin de abordar a problemática enerxética no ámbito do desenvolvemento dos municipios cubanos, a Redenerg (Rede Nacional de Xestión do Coñecemento en Enerxía) desenvolveu unha ferramenta de xestión do coñecemento denominada NOME (nodos municipais de enerxía) que permite organizar o capital intelectual do municipio na temática enerxética, co obxectivo de apoiar os gobernos municipais na xestión dos problemas enerxéticos vinculados ao desenvolvemento local municipal. A experiencia da creación de NOME en catro municipios da rexión central do país (Jatibonico, Placetas, Fomento e Aguada de Pasajeros) permitiu identificar os problemas que dificultan a xestión enerxética local desde a perspectiva da xestión do coñecemento. O traballo expón a árbore dos problemas identificados nos municipios, a estratexia de traballo para abordar esta problemática, os resultados alcanzados e as súas perspectivas no ámbito da xeneralización.

[Abstract] In order to tackle the energy problem in the development of the Cuban municipalities, Redenerg (National Network for Energy Knowledge Management) developed a knowledge management tool known as NOME (municipal energy nodes) that allows the intellectual capital in energy matters within the municipality to be organized, in order to support municipal governments in the management of energy problems linked to local municipal development. The experience of setting up NOME in four municipalities in the country’s central region (Jatibonico, Placetas, Fomento and Aguada de Pasajeros) led to the identification of the problems that hinder local energy management from the point of view of knowledge management. The paper presents the problems identified in the municipalities, the work strategy designed to tackle those problems, the results achieved and the prospects in the area of generalization.