A evolución da escola rural galega (1945-2022): a historia escolar de Cesuras

Abstract

[Resumo] A escola é un ámbito de gran relevancia para a sociedade debido á súa labor ao longo da historia. Ademais todos os cambios aos que foi sometida a institución son de natureza socio-cultural (Escolano, 1994) polo que o coñecemento e análise do seu pasado non é soamente unha ferramenta enormemente últil para os e as docentes senón tamén para o conxunto da sociedade, permitíndolles desenvolver un pensamento crítico sobre a realidade social e educativa (Mallo Gambetta, 2009). O presente estudo busca coñecer cal foi a evolución da escola rural galega dende o ano 1945 ata a actualidade, centrando posteriormente a investigación no caso concreto do Concello de Cesuras. Para acadar ditos obxectivos, preséntase en primeiro lugar unha evolución da escola rural galega, tendo en conta as investigación referentes neste eido así como a lexislación educativa presente en cada época. Posteriormente, ofrécese unha reconstrucción da evolución escolar dun concello en concreto, o de Cesuras. Dita investigación está fundamentada principalmente en trinta e catro entrevistas realizadas a exalumnos das escolas unitarias e do grupo escolar. Cómpre destacar que Galicia presenta un territorio cunha gran porcentaxe de ruralidade e dispersión, un feito que dificultou a creación dunha rede escolar galega. Ademais, despois da investigación realizada pode concluirse que “non existiu unha polı́tica educativa axustada ás necesidades territoriais e humanas do medio rural” (Caride, 2014, p.166).