Recuperación medioambiental do río Monelos trala súa canalización na zona de Expo Coruña

Abstract

[Resumo:] O río Mesoiro entorno ao cal se desenvolve o presente proxecto nace na parroquia de San Vicenzo de Elviña, preto do límite municipal entre A Coruña e Arteixo. Dende alí baixa hasta Feáns, recibindo o nome de rego de Beneirón. Logo continúa ata Mesoiro, chamándose neste treito rego de Campos. A partir de Mesoiro é coñecido como río Mesoiro e continúa o seu traxecto paralelo ó polígono de Pocomaco, sofrendo dúas pequenas canalizacións parciais durante este treito. A partir do polígono xa atópase totalmente canalizado baixo terra ata o peirao de San Diego, no porto da Coruña, onde desemboca. Este feito xera a necesidade potenciar a recuperación na medida do posíbel dos tramos que foron antropizados, tratando deste xeito de re naturalizar a canle. O proxecto que estamos a tratar, ten como o obxectivo a recuperación, en parte, do estado que presentaba a zona antano, mellorando a calidade urbanística da area obxecto de estudo. O proxecto resolve a problemática actual a través dunha actuación urbanística que permita desviar levemente a dirección do río canalizado, que actualmente transcorre embaixo da cidade permitindo que emerxa durante 75 m na zona onde se atopa Toys r us antes de Alfonso Molina para logo mergullarse baixo terra outra vez. Como resultado do estudo de alternativas definense os materiais e a xeometría do canal que levará a auga do río Monelos ou Mesoiro, e que así constitúe a recuperación de dito río. Conclúese a partir deste estudo que a solución máis adecuada para acadar os nosos obxectivos e facer un canal cuxa sección sexa trapezoidal con chan de inundación executada con muro krainer. O proxecto non só consiste en sacar a relucir o río, ate agora sepultado, senon tamén implicará a habilitación da area derredor, na que se planea facer un parque. Deste xeito sacarase un maior rendemento á inversión, e terá un impacto moito maior na sociedade.